الثلاثاء، 5 يناير 2010

خلااااص !! الى متى








السلام عليكم ..



انا الحين قاعدة اكتبلكم هالموضوع و ميته حرة من هالخدم الي ماشاكلهم ماتخلص !!!

احنا نييبهم عشان نرتاح أثاريهم بلوة ,

الله يسلمكم أنا خدامتي ( أندونيسية) أول مايتني ماشالله ملاك كل شي تعرف تسويه طباخ .. حلو .. نظافة .. ترتيب , وأي شي أطلبه منها تقول انشالله ماما !!



مع مرور الوقت شوي شوي قامت تطلع على حقيقتها المرة وللأسف أنا من كثر ما كنت أحاتيها و أسألها شفيج اذا مضايقه أو شي وماخلي عليها قاصر قامت تتمادى , طلعت حقودة و غيورة و مينونة بعد (( الله لايراويكم لما تبجي جنها مسكونة )) والله أنا اخترعت أخاف أكلمها تسحرني أو تسوي شي بعد تدرون بسوالفهم الأندونيسيات الله لا يقوله انشالله



لا و أزيدكم من الشعر بيت تغار لما اضحك معا الخدم تقول : (( مامااا انتي مايحبي أنا !!!!)) تكفون مو بلشة يلا هانت شهر 4 تنتهي اقامتها ونفتك منها



المهم عندي لكم نصيحة :-



أندونيسيات لاتييبون (( حقودين حارين والله ميانين ما يحمدون ربهم على النعمة الي اهم فيها ))

فلبن نص و نص على الحظ (( بس شايفين نفسهم و طناقر ))

لا للسوالف و الضحك مع الخدم مووو كفو صدقووني (( تفتحولهم المجال للدلع و سوالفهم الماصخة ))

أحسن شي سيلانيات و الهنود صج انهم وصخين بس انتي و شطارتج انج تعلمينها النظافة بس ماكو السان ولا شوفت نفس و يسمعون الكلام



انشالله خدامتي الياية هندية من كيرلا -- (( يقولون يتكلمون انجيليزي ))



الله يرزقنا بشي زين انشالله واتمنى اني ما قرقت و طولت عليكم بسالفتي :)

هناك 10 تعليقات:

  1. السلام عليكم

    هذي اول زياره لي بمدونتج وان شاءالله راح تتكرر :)

    كرهت الخدم من كثر سوالفهم وبلاويهم الي ماتخلص

    قبل كنه كله نييب فلبينيات اغلبهم زينين بس عقب ما يتعلمون كل شي ينحاشون ويقولون انا مو خدامه بشتغل بمكتب !!!

    بعدها يبنه هنديه لاعت جبدنه من وصاختها تعلمنه على الفلبينيات

    وبعدها قمنه نييب هنديه تشتغل ساعتين كل يوم وايد اريح بس بعدين قامت تتعيير مره مريضه مره بالمستشفى وكله اشوفها تحوس بالشارع مافيها شي

    اخر شي قاطعنه الخدم هههههه

    وهالفتره الحمدلله ماعندنه خدامه مرتاحين وكل وحده تسوي شغلها واهم شي ان بيتنه مافيه يهال فما يحتاج تنظفين كل شوي

    جني قرقت وايد؟ هههههه

    مشكوره والله يعينج على الخدم وان شاءالله تكون اليديده زينه :)

    ردحذف
  2. لوووووووووووول


    والله حاسة فيج .. وعندنا وعندج خير :) الله يفكنا من شرهم وطناقرهم وينونهم !!


    صج الخدم "شر لابد منه"!!


    واحب أزيد بعد على نصايحج "يا ناس لا تبنون بيوت كبيرة!! بليز باجر ما يندرى شاللي بيصير وآخرتها ماكو خدم ونبتلش بالتنظيف!"

    ردحذف
  3. لووووووول

    حلوة منج (( نبتلش بالتنظيف ))

    صاجة والله

    ردحذف
  4. شاي الضحى : تصدقين عاد أحسن شي بلا خدم بلا عوار راس

    بس المشكلة ما نقدر نستغنى عنهم
    قرقتج واايد حلوة :) و انشالله ما تتعبون انتي وخواتج من شغل البيت حريم قبل مو أحسن منا

    بعد اذا ما ضبطت الي بتيي شكلي بسوي مثلج p;

    أشكر مرورج :)

    ردحذف
  5. هههههههههههههههههه والله ضحكتيني على هالخدامه

    عاد تصدقيييين انا اموت على القرقه ويا الخدم مادري ليش

    ولي يعافييج ابعدي الاندونيسيات كلش ما يتحاجوون يخرعوون ويغارووون بشكل مو طبيعي

    يا حلاات الهنااادوه وشغل الهناادوه والقرقه وياهم بسرعه تكسبيين قلبهم لي من شريتيلهم اغرااض من الجمعيه على طووول

    مشكوور ماما مافي مثل انتي انا مايبي يشتغل عند ماما غير انتي ههههههههه

    ردحذف
  6. حتى انا تصدقين أحب أسولف و أتغشمر معاهم بس انقرصت من خدامتي الاندونيسية ..

    اي والله يا حلات الهنود , شجعتيني والله عليهم :)

    ردحذف
  7. ههههه ملشاء الله عليج مسويه دراسات على جنسيات الخدامات

    :)

    يالله الله يعينج على اللي عندج وان شاء الله اليدده يكون فيها الخير

    ردحذف
  8. هم :(

    والله لو نسولف فيه نسوي مجلدات بالقصص

    الفلبينيات اسأليني عنهم :( مانجيب الا هم

    روسهم ياابسه وعنااااد وعصبية واذا فصلت ماتشتغل

    ويطقون الجهال ): لو بتكلم ماخلص

    والله الخدم لا اندونيسية ولا فلبينية ولا غيرها كلهم نفس الشي

    المفرووض نتعلم نسوي شغلنا بنفسنا ومانعتمد عليهم

    والله احييها شآي الضحى .. كبيييييره ^_^

    الله يعييينج وبييعننا ويعين الشعب الكويتي الربادي

    ردحذف
  9. أنا مووووووول ما أداني الأندونيسيات أخاف منهم أحس واايد سحر عندهم و من هالسوالف بس طبعا مب كلهم.. و واااايد يفكروون بالجنس بشكل مب طبيعي ..

    بس بتفتكين الهنديات زينات لو وصخات و ملسوونات لكن ماعندهم سوالف الأندونيسيات

    ردحذف
  10. الله يعينج : )
    ذكرتيني بماما قبل كم سنه
    يتنا خدامه بعد كانت تغار من ماما تضحك مع الثانيه
    هههههههههههه ،،
    من رايي اشوف الاثيوبيات بعد شوي احسن
    لكن خذيها صغيره بالسن
    الله يوفقج ويبعد عند عوار الراس وكل شر

    ردحذف