حاميها حراميها !!

السلام عليكم ورحمة الله و بركاته

عندي لكم سالفة قديمة ذكرتها وحبيت اقولها لكم ..



مرة من المرات ايام ما كنت بالجامعة كالعادة اذا صار عندنا بريك نروح انا و رفيجتي سارة و اختها روان نتمشى بالسوق او ناكل باحد المطاعم

و بهاليوم تحرش فينا واحد من الشباب سيارته كانت مرسيدس باب واحد بس ما اذكر اي نوع , المهم و احنا كنه ما نعطيه ويه طبعا و ظل يلحقنا و احنا بشارع الخليج و فجأة !!! اخترعت لأن قرب السيارة حيل يم سيارتي عند الرصيف بالحارة اليسار و دايسة جان ادعم الرصيف :( و أحس السيارة تثقل و تثقل ليين عرفت ان التاير بنجر علينا و الطاسة طارت والحالة حالة ...



طبعا انا وقفت السيارة و نزلت و ما اعرف بهالسوالف و حسبت ان السيارة ما تمشي الا بالطاسة و اروح الله يسلمكم امشي بشارع الخليج بكشختي و الكعب و اييب الطاسة متوهقة اشوة ان كان الوقت مبجر و ماكان زحمة جان الحين سيرتي على كل السان ويمكن يكتبون عني بالجريدة هيهي .. انا ليلحين ماني قادرة اصدق اني سويتها ..

المهم لما رديت ولا في احد من الشباب صعد سيارتي على الرصيف وقعد يسوي التاير و قعدنا ننطر ابو رفيجتي ايي ولما يا قالنا واهوه معصب

: (( عبالكم هذا الي سوالكم التاير بس جذي ابلاش آخرتها برقمكم ))

و سايرنا بالطريج وانا كنت امشي بالسيارة 60 ما اقدر ادوس اكثر والتاير يفشل واحنا واقفين عند الاشارة وابو رفيجتي ورانا ولا يتحرش الي يمنا فينا وكان ظابط !!!!

واحنا خايفين من ابو رفيجتي لا يسوي شيي ..

وفجأة شفناه ينزل من السيارة و يمسكه من بدلته وقاله :
(( حاميها حراميها !! ... تدري لو أعلم عليك جان فونيش ))

واهوه من قال فونيش مانشوف الا اغبرت السيارة , اكيد تحسف وما اتوقع يعيدها بعد هالموقف ..



لوووول عرفتوا الحين شنو أقصد اب حاميها حراميها , والله هالموقف من المواقف الي صارتلنا وما انساها :)

وسلامتكم :)